Pero Pejiç është tashmë një lojtar i Slaven Belupos në Kroaci, ku do të bashkohet me Bruno Telushin, ish-kapitenin e Flamurtarit.
Pero kthehet te klubi ku u bë i njohur, para se të transferohej te Dinamo në Shqipëri, ndaj deklaron: “Kthehem në shtëpinë time. Slaven më bëri një ofertë shumë të mirë dhe pranova menjëherë. Shpresoj të shënoj sa më shumë për të ndihmuar klubin. Njoh disa lojtarë dhe trajnerin, i cili është shumë i zoti”.
Pero së shpejti bëhet baba për të tretën herë, ndaj ka zgjedhur të kthehet në vendlindje.
Në moshën 34-vjeçare, nuk do të lëvizë më, ndërsa Shqipëria humbet sulmuesin e mvi 100 golave, i huaji më i mirë që ka shkelur në Superiore. Humbi 11-metërshin ndaj Sherifit, por nuk është arsye për t’i zhvlerësuar vite të tëra me gola e trofe në Shqipëri.