“Fanatics” e premtuan dhe e mbajtën fjalën. Tifozeria ultras e Tiranës e ka ndezur “Elbasan Arenën”, duke ndalur ndeshjen për shumë minuta, pak pasi Ede shënoi golin e avantazhit në minutën e 21-të.
Një parullë gjigante:
“PAAFTËSIA JUAJ NA BËN ME VJELLË,
NUK MBULOHET TURPI ME NJË KUPË PA VLERË”.
Tymues pa fund në fushë, ndërprerje e takimit dhe policia në alarm, por pak nga pak gjithçka u normalizua dhe ndeshja rinisi.
Gjithsesi, mesazhi i “Fanatics” ishte i fortë dhe domethënës, ndërsa pas ndërprerjes së takimit shumica e tifozëve braktisën stadiumin.
