Tani është zyrtare. Alesandro Nesta është gati të nisë aventurën e re me Frozinonen. Ish-mbrojtësi i madh italian ka firmosur një kontratë dy-vjeçare me klubin lacial.
Prezantimi i 43-vjeçarit do të bëhet të mërkurën e 19 qershorit. Objektivi i madh është rikthimi i Frozinones në Serie A dhe trajneri i ri është gati për këtë sfidë.
Nesta fitoi gjithçka si futbollist. Karrierën e trajnerit e nisi në vitin 2016 me Majemi FC. Më pas drejtoi ekipin e Peruxhias gjatë sezonit të kaluar, ndërsa tani do të ulet në stolin e ekipit që ra nga kategoria në fund të këtij sezoni.