Situata te Milani ka mbetur edhe një herë tjetër në vend, pasi objektivi Champions nuk u arrit dhe tashmë duhet një projekt tjetër për ta ringritur ekipin.
Ivan Gazidis, shefi ekzekutiv i klubit foli për “Gazzeta dello Sport”, ku sqaroi gjithçka mbi projektin e ri, si dhe zbuloi ofertën për Paolo Maldinin, për ta bërë këtë të fundit drejtor teknik.
Lidhur me këtë propozim ëshët pyetur pikërisht ish-kapiteni legjendar i kuqezinjve, i cili pranoi se oferta e bërë e tundon shumë. Gjithashtu, Maldini zbuloi se një përgjigje definitive do të jepet nga ai në fundin e kësaj jave.
“Duhet të pranoj që është një ofertë shumë tërheqëse dhe më duhet t’i analizoj të gjithë gjërat. Brenda pak ditësh do të dal në një përfundim dhe besoj që në fund të javës do të jap një përgjigje definitive. Tifozët po presin për mua? Po, edhe unë jam këtu për ta!”