Enis Gavazaj ndërpreu pak ditë më parë kontratën me Jenisejn dhe tani është në kërkim të një ekipi të ri. Për momentin ish-sulmuesi i Skënderbeut ndodhet në Turqi, ku po zhvillon një provë te një ekip bjellorus.
Dinamo Minks është skuadra që është e interesuar për shërbimet e 23-vjeçarit nga Prizreni. Gavazaj u aktivizua nga minuta e parë në miqësoren midis Dinamos dhe ukrainasve të Prikarpatjas që u zhvillua dy ditë më parë dhe u mbyll me rezultatin 0 – 0.
Në rast se Gavazaj do të nënshkruajë një kontratë me Dinamon, ai do t’i bashkohet Elis Bakajt si shqiptarët e vetëm që aktivizohen në kampionatin bjellorus.