Trajneri i ri i kombëtares shqiptare të futbollit, Edi Reja, është i pranishëm në stadiumin “Selman Stermasi” për të ndjekur takimin mes Tiranës dhe Kastriotit. Numri një i pankinës kuqezi ka qenë në praninë e Ervin Bulkut dhe me shumë gjasa, arsyeja e prezencës së tij në stadium është për të studiuar disa lojtarë.
Paraardhësi i tij, Kristian Panuçi, u kritikua shpeshherë për mungesën e tij në stadiumet shqiptare dhe mesa duket, Reja nuk do të përsërisë një situatë të tillë. Kjo është sfida e parë që trajneri i ri i Shqipërisë ndjek në stadiumet e Superiores, pikërisht sfida e mbijetesës mes bardhebluve të Tiranës dhe krutanëve të Kastriotit.
