Me datë 19 janar, do të startojë Kupa e Shqipërisë për moshat U-19 dhe U-17. Sektori i Garave i FSHF-së ka njoftuar të gjitha klubet pjesëmarrëse për fillimin e këtij kompeticioni, që ndeshjen e parë do e ketë që këtë fundjavë.
Në këtë Kupë, do të marrin pjesë 16 ekipe për secilën grupmoshë, të ndara në dy grupe, A dhe B. 8 skuadrat me renditjen më të mira në grupin A dhe B do të vazhdojnë në fazën tjetër, që nuk është me sistem vajtje-ardhje, por vetëm me një ndeshje. Më poshtë, do të mësoni datat dhe skemën e zhvillimit të ndeshjeve.
