Të gjithë sytë sot ishin nga derbi i kryeqytetit, i cili përpos spektaklit që sjell në fushën e lojës, pati një rëndësi të veçantë edhe në luftën për titull. Barazimi i Partizanit i sjell Teutës shkëputjen me tre pikë në krye të tabelës së renditjes. Pozicion ky që i fal pak qetësi bregdetarëve në këto javë kaq delikate.
Menjëherë pasi veçohet e vetme në majën e tabelës, Teuta nuk nguron të thumbojë rivalët për titull. “Distancë sociale” dhe një simbol që u nënkupton të tjerëve të heshtin ishin mesazhi që klubi durrsak përcjell përmes faqes zyrtare në rrjete sociale, ku bashkangjit edhe tabelën e renditjes së Kategorisë Superiore./Halit Delibashi-Sport Ekspres/
