Laçi u mposht një ditë më parë nga Flamurtari, por ajo përballje duhet lënë pas dhe të mendohet për ndeshjen e radhës në shtëpi me Tiranën. Një sfidë që pritet të jetë tepër e luftuar, për vetë objektivat që skuadrat kanë.
Vetëm fitorja u bën punë bardhezinjve, që janë eliminuar nga Kupa prej Tiranës dhe do kërkojnë një hakmarrje. Nga ana tjetër skuadra e drejtuar nga Ardian Mema edhe me një barazim do të ishte e kënaqur, duke pasur parasysh kalendarin.
Kurbinasit për ndeshjen me Tiranën do të kenë të gatshëm edhe sulmuesin Nikola Okpotu, i cili ishte i pezulluar me kartonë dhe nuk mund të luante kundër Flamurtarit. Nigeriani do të jetë opsion për trajnerin Sulejman Starova. Ndërkohë do të shihet edhe gjendja e Sebastian Toros, i cili u dëmtua gjatë javës.