“Të vdekshin të dy fëmijët”. Leonardo Bonuçi vijon të jetë pre e sulmeve të tifozëve dhe këtë herë njëri prej tyre i ka shkruar në “Instagram” kur ka postuar një foto me fëmijët e tij. Mbrojtësi, i cili u rikthye këtë verë te Juventusi, nuk ka ngurruar t’i japë një përgjigje “anonimit”.
“Ndoshta një ditë do të jetojmë në një botë më të mirë, për momentin ajo nga e cila shpresoj t’i mbaj larg fëmijët e mi është kjo botë këtu. Ajo e kësisoj njerëzish. Ajo e dhunës me gjeste, fjalë dhe mendime. Tani fshije llogarinë, ndryshoje, thirr dikë për të të ndihmuar. Mëkat që askush nuk do të mundet të të ndryshojë nga qenia e pështirë që je”, shkruan Bonuçi.
