Një lojtar si Neymar gjithnjë bën vend në faqet e para të gazetave, madje edhe për t’u kritikuar. Por në mbrojtje këtë herë i del shoku i tij i ekipit, Mauro Icardi. Argjentinasi ka dhënë një intervistë për “France Football”, ku tregon një anë tjetër të Neymar, që sipas tij është krejt ndryshe nga çfarë duket në media. Gjithashtu vlerësime ka pasur edhe për Mbappe, të cilin Icardi e qun si një person mjaft të pjekur për moshën e re që ka.
“Njerëzit mund ta shohin atë ndryshe nga jashtë, por realiteti është krejtësisht ndryshe. Ne e dimë shumë mirë se çfarë lloj futbollisti është Neymar. Dhe kur e njeh me të vërtetë njeriun, mund të shoqërohesh vetëm me të sepse ai është dikush që është larg nga tregimet që raportojnë mediat. Ai është një shok skuadre që nuk ngurron të përballet për të siguruar që të tjerët të ndjehen mirë.
Është kjo gjendje shpirtërore që na duhet. Lojtarët e shkëlqyeshëm janë të parët që japin një shembull. Ai është një djalë që është gjithmonë i lumtur dhe shoqërohet vërtet mirë me të gjithë. Ai ka përulje të vërtetë. Është e rëndësishme të jesh i natyrshëm sepse, në fund të fundit, ne jemi si një familje e madhe që kalon pothuajse çdo ditë së bashku. Humori i tij i mirë na bën të ndihemi mirë çdo ditë.
Gjithçka që sapo ju thashë për Ney vlen edhe për Mbappé. Ai është një djalë që është akoma i ri, por tashmë ka arritur gjëra të mëdha. Është jashtëzakonisht i pjekur për moshën e tij. Sjellja e tij kontribuon gjithashtu në atmosferën e mirë që ka brenda grupit”, ka thënë Mauro Icardi./Halit Delibashi-Sport Ekspres/