Seria e videolojërave “FIFA19” është një ndër më populloret në planet. Edicioni më i ri i videolojës që simulon ndeshjet e futbollit do të dalë në treg pas një jave dhe në të ka me mijëra përditësime në aftësitë e secilit prej mijëra lojtarëve që ndodhen në lojë.
Një prej futbollistëve që ka fituar një përmirësim është mesfushori i Levantes, Enis Bardhi. Shqiptari që luan me përfaqësuesen e Maqedonisë ka shkëlqyer në sezonin që kaloi në Spanjë, ku luan për Levanten. Specialiteti i mesfushorit shtatshkurtër janë goditjet e dënimit dhe në lojën “FIFA 19”, ai është i pesti lojtar për sa i përket aftësive ekzekutimin e goditjeve standarde.
Lista e goditësve më të mirë kryesohet nga Lionel Mesi, i cili ndiqet nga Hakan Çalhanoglu, Sebastian Xhovinko dhe Miralem Pjaniç.
10 – Lojtarët më të mirë në ekzekutimin e goditjeve të dënimit në videolojën “FIFA19”
1.Lionel Mesi
2.Hakan Çalhanoglu
3.Sebastian Xhovinko
4.Miralem Pjaniç
5.Enis Bardhi
6.Dani Pareho
7.Marvin Platenhard
8.Memfis Dipei
9.Paulo Dybala
10.Shunsuke Nakamura