Federiko Kieza është një nga “yjet” më premtues të futbollit Italian. 21-vjeçari ka tërhequr vëmendjen e shumë klubeve Europiane. Specialistët e vlerësojnë atë si një nga lojtarët që pritet të ringrejë kombëtaren Italiane në majat e dikurshme.
Kieza luan që nga viti 2016 me Fiorentinën, ku performancat e tij nuk kanë njohur zbritje. Ai ka shënuar 5 gola me “violët” deri në këtë pjesë të sezonit, por ka spikatur edhe me shpejtësinë dhe teknikën që zotëron.
Skuadra Italiane e sheh si ”thesarin” e saj lojtarin, duke i thurur vazhdimisht lëvdata. Këtë e ka bërë edhe menaxheri i klubit, Xhankarlo Antonjoni, i cili për Gazzetta dello Sport ka deklaruar: ” E vërteta është që Kieza është një futbollist i kalibrit europian. Në Itali kemi pasur sulmues anësorë me tipare të ndryshme. Mendoj për mikun tim Bruno Konti, ose tani për Insinjen. Kieza ka driblim dhe cilësi, por edhe vrap e fuqi. Është një Bejl i ri. Një lojtar që të magjeps, sepse nuk dorëzohet kurrë.”