Humbja e mbrëmjes së kaluar ishte e pesta në tetë ndeshjet e fundit për Milanin, që tashmë e sheh veten të zbresë në vendin e gjashtë dhe larg zonës Champions.
Lidhur em ndeshjen e një natë më parë ndaj Torinos, foli edhe Antonio Kasano. Ish-lojtari i kuqezinjve kritikoi me tone të ashpra ekipin aktual dhe shtoi se Gatuzo nuk ka përgjegjësi për gjendjen e Milani, pasi lojtarët janë mediokër.
“Gatuzo merr përgjegjësi që nuk janë të tijat, për mua skuadra aktuale është mediokre. Ndër lojtarët që janë atje tani, askush nuk do të kishte luajtur me Milanin që luaja unë. Drejtuesit duhet të synojnë fitoren.”