UEFA duket se po mendon të revolucianizojë edhe Ligën e Kampioneve. Deri më tani ka pasur shumë skepticizëm për diçka të tillë, por pas suksesit të regjistruar në kampionatin botëror “Rusi 2018”, situata ka ndryshuar.
“The Times” shkruan se UEFA po mendon ta fusë VAR-in nga faza çerekfinale, prej edhe ku luhen ndeshjet më të rëndësishme. Vitet e fundit ka pasur shumë polemika për gjykimin dhe në një fazë të tillë eliminimi i gabimeve arbitrare do bënte që shumë gjëra të ndryshonin dhe askush nuk do të ankohej më.
Komiteti i Garës do të mblidhet në Montekarlo javën e ardhshme dhe do të diskutohet për këtë ndryshim. Gjithsesi vendimi do të merret vetëm në fund të muajit shtator nga ana e Komitetit Ekzekutiv.