Emisioni “Koha Shtesë” ka dalë pak nga Europa, për të zhvilluar një intervistë me një gazetar të njohur në Brazil, Rodrigo Oliveira. Gjithmonë kemi zhvilluar intervista me gazetarë çekë apo polakë, por vërtet interesante është të kuptohet se çfarë mendojnë në vendin e trajnerit tonë, Silvinjos, rreth Shqipërisë. Oliveiro ka bërë shqiponjën gjatë intervistës dhe ka treguar mbështetjen e madhe për Shqipërinë. (Videon e plot të intervistës e gjeni më poshtë)
“Uroj që Shqipëria të kualifikohet edhe në Botërorin e radhës. Në Brazil do ta mbështesnin shumë Shqipërinë. Kështu ndodh te ne, kemi shumë lojtarë të njohur, por pak trajnerë të njohur brazilian në Europë. Për këtë arsye, kur Scolari ishte te Portugalia, ne ishim tifozë të Portugalisë. Kur Scolari ishte te Chelsea, ne mbështesnim Chelsea-n. Jam i sigurt se këtu do të mbështet edhe Shqipëria për shkakun e Silvinjos
Për mua, Silvinjo ka dështuar më parë për dy arsye. Mungesa e eksperiencës dhe presioni. Përshembull, nëse Lioni nuk është në vendet e para të renditjes në Francë, është dështim. Nëse Corinthias nuk është në vendet e para në Brazil, është një dështim. Presioni në Brazil është shumë i madh kur drejton një ekip të madh. Përshembull, nëse Corinthias humb në derbi, është një turp i madh. Nëse Corinthias eliminohet nga Kupa në fazat e hershme si ndodhi me Silvinjon, është një turp i madh.
Prandaj kritikat ishin të shumta dhe në Brazil kur ti punon në ekipe të mëdha, është e ndaluar të humbasësh. Nëse ti merr tre humbje, do të shkarkohesh. Nëse humb në derbi, ti mund të shkarkohesh. Prandaj gjithë ky presion i madh ndikon shumë në një trajner të ri si Silvinjo. Kështu Silvinjo gjeti mundësinë e artë te Shqipëria dhe ambientin e duhur për t’u rritur. Presioni nuk ishte i njëjti se nëse Shqipëria humbiste me çekët apo polakët, sigurisht që ju do të mërziteshit, por nuk do të ishte një turp. Pra Silvinjo mund të surprizonte, mund të fuste elementin e befasisë. Ai gjeti një atmosferë të mirë aty, nuk ishte e njëjta me atë që gjeti në Lion apo Corinthias
Për mua do të ishte fantastike si eksperiencë tani nëse do të kishim një miqësore, Shqipëri-Brazil. Brazili duhet të luajë kundër Shqipërisë dhe Silvinjos, është e rëndësishme për ne. Është një problem i madh për mua që Brazili nuk luan shumë miqësore me ekipet e Europës. Ne luajmë gjithmonë kundër Perusë, Venezuelës, Bolivisë dhe nuk mund të luajmë ndaj ekipeve të Europës. Jemi eliminuar në shumë raste nga ekipet e Europës, si në Botërorin e fundit ku na eliminoi Kroacia. Prandaj do të jetë e rëndësishme për mua që Brazili të luante një miqësore kundër Shqipërisë”, tha Oliveria. /Sport Ekspres/