Devolli e Ndreu buzëqeshin, rikthime të rëndësishme

0

Kastrioti e ka një finale ndeshjen e radhës me Kukësin. Luftëtari fitoi dhe ka shtatë pikë më shumë, kurse Tirana që barazoi me Laçin gjashtë. Krutanët në ndeshjen e radhës nuk do të kenë të gatshëm mbrojtësin Dajan Shehi, i cili theu dorën në sfidën me Teutën dhe me shumë mundësi e ka mbyllur sezonin.

Trajneri Bledar Devolli i gëzohet rikthimit të kapitenit Emiljano Çela, i cili mungoi në Durrës për shkak kartonësh. Tani sytë janë nga Jurgen Vatnikaj. Sulmuesi gjithashtu nuk ishte i gatshëm për lojë prej një dëmtimi të pësuar në stërvitje. Shpresohet që të rikuperohet për ndeshjen e së shtunës.

Nga ana tjetër Kukësi nuk do të ketë të gatshëm sërish kapitenin Ylli Shameti. Për trajnerin Ndreu rikthehet Valon Ethemi. Shqiptari nga Maqedonia kishte plotësuar numrin e të verdhëve dhe nuk u aktivizua ndaj Partizanit. Tashmë ai e ka shlyer pezullimin.

You might also like
Leave A Reply

Your email address will not be published.