Napoli luan nesër kundër Crvena Zvezda dhe në Beograd do të jetë edhe presidenti Aurelio De Laurentis. Si zakonisht ai nuk ngurron edhe të ngacmojë dhe me Mauricio Sarrin nuk I ka kursyer replikat në distancë.
“Unë jam gjithmonë pranë skuadrës, edhe sepse Ancelotin e zgjodha unë dhe jam përgjegjësi, sikurse isha edhe në epokën e Sarrit. Këtë herë jam më i qetë”, shprehet fillimisht numri një i Napolit.
Më tej ai ka shtuar: “Sarri po bën shumë mirë, por ai ka pasur shumë humbje të dhimbshme në jetën e vet, pushohej nga puna në mënyrë të vazhdueshme. Për pasojë, është krijuar një person i ngurtë në marrëdhëniet njerëzore”.