Portieri David de Gea duket se shumë shpejt do të bëhet pjesë e Real Madridit. Gardiani numër 1 i kombëtares spanjolle, aktualisht te Man. Junajtid, është një ëndërr e vjetër e presidentit madrilen, Florentino Perez. Klubi i bardhë beson se tani ka ardhur koha që ta transferojë.
“Daily Mail” raporton se De Gea më në fund ka marrë aprovimin e trajnerit të tij, Zhoze Murinjo, për t’u larguar. Arsyeja është se “Djajtë e kuq” kanë gjetur pasuesin e tij. Ai është portieri i Stouk Sitit, Xhek Butlend, me të cilin Junajtidi ka nisur edhe kontaktet e para.