Ish-trajner i Shqipërisë, Xhani De Biazi, vazhdon të punojë në Itali në televizione të ndrshme në rolin e analistit. Së fundmi, 62-vjeçari ka komentuar lajmet e merkatos që flasin për një interes të madh të Juventusit për fantazistin e Real Madrid, Isko, për të cilin De Biazi dha fjalët më të mira.
“Nëse Juventus do të arrijë të marrë Iskon, do të jetë një goditje e shkëlqyer. Ai ka kualitet, vazhdueshmëri dhe fizik. Gjithashtu s’duhet të harrojmë se është relativisht i ri dhe ka shumë vite përpara vetes”
“Duke luajtur prej disa vitesh në një ekip të nivelit të lartë si Real Madrid ka fituar një pjekuri dhe eksperiencë të shumtë”, tha De Biazi.