Situata e Paulo Dibala po kthehet në një problem për Juventusin. Trajneri Alegri nuk po e aktivizon argjentinasin, i cili sigurisht që nuk ndihet mirë që ka përfunduar në stol.
Për situatën në fjalë ka komentuar dhe një nga mesfushorët e famshëm të Juventusit të viteve 2000, i cili luajti për shtatë sezone me bardhezinjtë. Edgar Davids ka folur për “Mediaset” dhe “sulmon” futbollistin 24-vjeçar.
“Dibala nuk është një futbollist i kompletuar. Ai është një talent i madh, por duhet të punojë më shumë. Nuk është gjithmonë faji i trajnerit, ose sistemit të lojës, sepse dhe vetë lojtari duhet të shohë vetën në pasqyrë dhe të japë më shumë”, përfundon holandezi Edgar Davids.
