Ndonëse nuk ka dhënë ndonjë prononcim të mirëfilltë, në opinionet e tij të shkurta pas ndeshjes, megjithëse skuadra që kishte përballë nuk ishte e nivelit të Vllaznisë, tekniku Cungu është shprehur i kënaqur me atë që skuadra paraqiti në fushën e lojës, sidomos me konkludimin përpara porte. “Kundërshtari ishte modest! Thjeshtë na shërbeu që ne si skuadër të shpreheshim lirshëm në fushën e lojës për të bërë lëvizjet e duhura sulmuese si dhe të vinim në zbatim mënyrën e lojës sonë në fushë”, tha tekniku shkodran në lidhje me atë që skuadra e tij paraqiti në fushën e lojës përballë modestëve të ekipi Petnjica. I pyetur rreth paraqitjes së dy lojtarëve të huaj të ardhur për provë, Cungu bëri të ditur se asnjë nuk përmbushi pritshmëritë e duhura.