Dita e sotme është një ditë zie për botën e futbollit. “Babai” i Champions League dhe ish-presidenti i UEFA-s, Lenart Johanson ka ndërruar jetë në moshën 89-vjeçare.
Njoftimin e lajmit tragjik e ka dhënë Federata suedeze e futbollit, me këta të fundit që e kanë quajtur Johanson si njeriun më të rëndësishëm suedez në futboll, pasi askush nuk pati ndikimin që pati ai.
Former Uefa president and 'father of the Champions League' Lennart Johansson dies aged 89 https://t.co/ZPJeKuDGyE
— Guardian sport (@guardian_sport) June 5, 2019
Johanson njihet për arritjen e tij më të madhe që ishte krijimi i Champions League, që më parë njihej si Kupa Europës. Suedezi e udhëhoqi UEFA-n për plot 17 vite, që nga viti 1990 e deri në vitin 2007, kohë kur u mund në zgjedhje nga Mishel Platini.