“Besnikëria” e lojtarëve të sotëm nuk i përket niveleve më të larta. Pasi tifozët e Milanit shohin sesi Calhanoglu shkon te Interi, në krahun e zikaltërve nuk ndihen aspak mirë me Hakimin. Në sezonin që lamë pas skuadra e Kontes do të fitonte titullin kampion.
Për ta përmbyllur kampionatin në mënyrën më të mirë erdhi edhe ajo fitore në shifrat 5-1 kundër Udinezes. Në kulmin e zërave të merkatos sa i përket largimit të Hakimit, që ishte një prej lojtarëve më të mirë të Interit, vetë futbollisti ka zgjedhur që të tregojë stemën e zikaltërve dhe duke bërë me shenjë se do të qëndrojë në Milano.
Ky gjesti ishte shumë i bukur për t’u kapur nga kamerat që ndodheshin në stadium, por nuk kishte shumë vërtetësi. Hakimi është shumë pranë arritjes së marrëveshjes me PSG, ndërsa në ditët e ardhshme pritet zyrtarizimi i transferimit. /Sport Ekspres/