Ashtu si disa dekada më parë, kur i rrëmbente Fiorentinës Roberto Baxhon, tashmë Juventusi ka marrë edhe Federiko Bernardeskin, duke tërbuar tifozët e Fiores.
40 milionë për Fiorentinën, plus 10% në rast rishitjeje, ndërsa Bernardeski do të marrë 4 milionë euro në sezon.
Anësori ofensiv pasuron një repart fantastik, sepsesë bashku me Douglas Kostën do të jetë një armë e fuqishme në krah, ndërsa sulmi ka edhe emra si Higuain, Dibala e Manxhukiç, pa harruar talentet Pjaca e Bentankur.
Bernardeski, tashmë 23 vjeç, lë Firencen pas 3 vitesh aty, ndërsa në sezonin e fundit bëri kapërcimin e madh, sepse shënoi 11 gola në Serinë A dhe dha shumë asiste, që tani do të ketë për detyrë t’i shpërndajë te Juventusi.