Rikthimi i Xhixhi Bufon te Juventusi ka nxjerrë në shitje Matia Perin. Hapësirat për 26-vjeçarin pothuajse janë zëruar dhe e ardhmja e tij është larg Torinos.
Ofertat nuk mungojnë, madje edhe jashtë Italisë. Sipas raportimeve të “Sky Sport”, Perin është shumë pranë transferimit në Portugali. Benfika e kërkon dhe palët janë drejt arritjes së akordit final.
Portieri pritet të huazohet me detyrim blerje nga kampionët e Portugalisë për shumën e 15 milionë eurove. Rui Kosta, i cili mban rolin e drejtorit teknik të “shqiponjave të Lisbonës”, ka komunikuar gjatë ditëve të fundit me Perin dhe ka arritur t’ia mbushë mendjen për të zgjedhur Benfikën.