Sulmuesi danez Niklas Bendtner është shpallur fajtor për ushtrim dhune ndaj një shoferi taksie. Gjykata e Kopenhagenit e ka dënuar 30-vjeçarin me 50 ditë burg, ndërkohë që avokati i lojtarit e ka apeluar këtë vendim të gjyqësorit.
Incidenti midis Bendtnerit dhe taksistit ndodhi në fillim të muajit nëntor. Sipas raportit të nxjerr nga policia daneze, futbollisti ka qenë i pirë dhe personi i dhunuar ka pësuar një frakturë në nofull.
Në dy sezonet e fundit Bendtner luan në kampionatin norvegjez me kampionët e Rosenborgut, ku ka “ringjallur” karrierën e tij duke qenë një ndër sulmuesit më të produktiv në ligën e shtetit nordik.