Faza play-off në basketboll për femra ka mbërritur tashmë në epilog, sepse po mbyllen gjysmëfinalet.
Sh.K.B.Tirana është tashmë në finale, sepse ka fituar edhe ndeshjen e dytë ndaj Vllaznisë, 108-59 në Shkodër, ashtu si pritej. Tepër i madh hendeku mes dy skuadrave, ndaj tashmë vajzat e drejtuara nga Borova presin finalen dhe ndoshta një derbi.
Flamurtari mundi 65-49 Sh.B.Tiranën në gjysmëfinalen tjetër, duke barazuar 1-1 serinë e ndeshjeve dhe duke ndezur garën, sepse të premten në Tiranë do të vendoset gjithçka.