Barça dhe Valverde “të mallkuar”, e mbyllin vitin me dy mbrojtës

0

Barcelona mori një fitore një natë më parë në transfertën e Levantes me shifrat e thella 0-5, duke vijuar me rezultatet pozitive dhe me kryesimin në La Liga. Gjithsesi, pvarësisht triumfit dhe lojës së mirë, në kampin katalanas ajo që shqetësoi ishte dëmtimi i mbrojtësit, Tomas Vermalen.

Belgu doli nga loja në minutën e 52-të, si pasojë e një dëmtimi dhe ditën e sotme, pasi janë bërë ekzaminime më të detajuara, nga klubi blaugrana është njoftuar se Vermalen do të duhet të mungojë për një periudhë 4-javore. Duke i shtuar dhe dëmtimin e Umtiti, trajneri Valverde tashmë ka në dispozicion vetëm dy qendërmbrojtës, Zherard Pike dhe Klement Lengle.

33-vjeçari do të mungojë të paktën në tre sfidat e radhës për Barcelonës, atë ndaj Seltës në shtëpi, që është dhe ndeshja e fundit për këtë vit kalendarik për katalanasit. Gjithashtu, mbrojtësi belg do të mungojë dhe në transfertën ndaj Getafes, si dhe përballjen në Copa del Rey ndaj Levantes.

You might also like

Leave A Reply

Your email address will not be published.