Bajerni i Mynihut shpallet kampion i Kupës Telekom për të katërtën herë në turneun ku një ndeshje luhet në 45 minuta. Bavarezët mundën Hofenhajmin në gjysmëfinale dhe Verder Bremenin në finale respektivisht 1-0 (Levandovski) dhe 2-0 (Myler, Bernat).
Për t’u veçuar debutimet e blerjeve te reja, Toliso dhe Hames Rodrigez.
Tomas Myler ishte lojtari më i spikatur me gol dhe asist, por edhe penallti të humbur.
Gjithashtu, Karlo Ançeloti surprizoi me ruajtjen e formacionit 4-2-3-1 , gjë që sipas mediave nuk pritej.
Tashmë rekordmenët gjermanë do të nisen drejt Kinës për të marrë pjesë në Kupën e Kampionëve Nderkombëtarë (International Champions Cup).