Ka përfunduar sot rrugëtimi në Ligën e Kampionëve për Atletikon e Madridit. “Autobusi“ i Simeones nuk ka arritur të “shtypë“ dot Mançester Sitin. Takimi ka përfunduar me shifrat e barabarta 0-0, megjithëse bardhekuqtë flirtuan disa herë me golin.
Ndeshja është mbyllur mes ankthit dhe tensionit, teksa nuk kanë munguar as nervat në këtë sfidë. Felipe është larguar me të kuq në minutat e fundit për sjellje antisportive ndaj Fodenit. Një moment ky që ka sjellë edhe shpërthimin e nervave në kampin spanjoll, të cilët kërkonin të luanin sa më shpejt lojën. Ndërkohë Atletiko provoi deri në sekondat e fundit, por fati nuk ishte me ta këtë natë./Halit Delibashi-Sport Ekspres/