Stavri Nica shpërtheu pas ndeshjes që Kastrioti humbi ndaj Teutës me rezultatin 4-0. Trajneri durrsak nuk është ndjerë mirë pasi ekipi i tij pësoi tetë gola në dy ndeshje dhe pret që me hapjen e merkatos drejtuesit të bëjnë lëvizjet e duhura.
Pas sfidës me durrsakët, ai u shpreh qartë: “Le të vijnë këtu lojtarë që kanë dëshirë të luajnë futboll dhe që zbatojnë detyrat e trajnerit”. Kështu, me përfundimin e pjesës së parë të sezonit, te Kastrioti pritet që të ketë largime në masë.
Nica dje ka dalë në stërvitje, duke konfirmuar kështu edhe vijimin e bashkëpunimit me krutanët edhe pas humbjeve të thella me Tiranën e Teutën. takimi i radhës në program për Kastriotin është ai me Kukësin ditën e diel.