Sjellja e Pep Guardiolës pas përfundimit të pjesës së parë të ndeshjes kundër Bërnleit tërhoqi vëmendje të madhe mediatike. Trajneri i Mançester Sitit u kap nga kamerat duke debatuar me Erling Halandin, në një kohë që ky i fundit kishte shënuar dy gola. I pyetur në lidhje me këtë çështje, Guardiola ka shpjeguar për mediat arsyen e acarimit të tij me sulmuesin norvegjez.
“Ai e do topin gjatë gjithë kohës, duke thënë “dërgoje thellë’, por kur kanë mbetur edhe dy minuta, Kovaçiçi u kthye dhe humbi topin, Rodrigo e humbi topin dhe Erling dëshiron topin, Bernardo kishte të drejtë që nuk i dha pasimin”, ka sqaruar Pep Guardiola./Halit Delibashi-Sport Ekspres/