Napoli-Inter ishte një nga sfidat kryesore të kësaj jave në Serie A. Pas fitores së Milanit më herët kundër Frosinones, lufta për një vend në Champions League është më e fortë se kurrë, me Interin, Milanin dhe Atalantën që luftojnë për dy vende.
Napoli ishte jashtë çdo objektivi dhe zbriti në fushë për respekt të kampionatit, megjithatë, ishin të kaltrit ata që kaluan të parët në avantazh. Asamoah pason në qendër për Naingolan, i cili nuk e mbërrin dot atë top. Gulam rikuperon dhe pason për Zielinskin, me polakun që nuk mendohet dy herë dhe lëshon një predhë me të djathtën, duke shtangur Handanoviç. Vetëm 16 minuta lojë dhe Napoli në avantazh.
Por sfida do të kishte të tjera surpriza. Fabian Ruiz, 8 minuta pasi shënoi golin e parë personal, do të shënonte sërish, për ta çuar takimin në shifrat e thella 4-0. Interi do të arrinte të shënonte, por zikaltërit u kujtuan shumë vonë. Në minutën e 81’, Mauro Ikardi do të gjente rrugën e rrjetës, me anë të një 11-metërshi.
Serie A, java 37
Napoli – Inter 4-1
Zielinski 16′, Mertens 61′, Ruiz 71′ 79′ / Ikardi 81′