PSG e ka fituar me kohë titullin në Francë dhe ashtu si Juventusi, i lejon vetes të relaksohet, edhe pse nuk ka ndonjë arsye për të ruajtur energjitë, duke qenë jashtë kupave të Europës. Megjithatë, motivimi është minimal dhe nëse këtu shtohen edhe dëmtimet, situata bëhet e favorshme për rivalët.
Sot PSG u shpartallua 5-1 në Lille, në një sfidë ku Meunier shënoi autogol sa filloi ndeshje dhe më pas doli i dëmtuar, ashtu si Thiago Silva.
Mbappe dha asist për golin e barazimit nga Bernat, por ky i fundit doli me karton të kuq në minutën e 36-të.
Në pjesën e dytë nisi spektakli i sulmuesit Nicolas Pepe, sepse 23-vjeçari i kërkuar me ngulm sidomos nga Bayern shënoi golin e dytë (18 gola këtë kampionat) dhe dhe dy krose perfekte për golat e katërt dhe të pestë, shënuar nga Gabriel e Fonte.