Mitraj ndërpret kontratën, gati rikthimi në Shqipëri

0

Liria e Prizrenit gjatë verës afroi disa lojtarë nga Shqipëria dhe njëri prej tyre ishte sulmuesi Aldo Mitraj. Futbollisti, i cili në Shqipëri ka goxha eksperiencë, e ka mbyllur që tani bashkëpunimin me bardhezinjtë dhe tanimë pret ofertën e duhur.

SportEkspres.com mëson se Mitraj dhe Liria kanë gjetur gjuhën e përbashkët për ndërprerjen e kontratës dhe kanë shtrënguar duart. Kjo ishte eksperienca e dytë jashtë vendit për sulmuesin, i cili në të shkuarën ka luajtur edhe në Greqi.

Për herë të fundit në Shqipëri ka qenë pjesë e Tomorit në Kategorinë e Parë, ndërkohë që ka luajtur edhe në Superiore me ekipe si Skënderbeu, Partizani, Apolonia dhe Laçi. Sulmuesi 31-vjeçar tanimë pret të mësojë stacionin e radhës në karrierë.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.

http://sportekspres.com/wp-content/uploads/2019/02/fotoblinibilta.jpeg