Italia, revolucion total dhe skuadër për t’u rindërtuar

0

Italia në humnerë, as në ëndërr nuk e kishte parë veten jashtë Botërorit. Ndodhi dje ndaj Suedisë, por ishte diçka e paevitueshme, pasi degradimi vijon prej vitesh.

Triumfi në Botërorin gjerman u veshi sytë italianëve, që mendonin se anija axurre ecte vetë, pa nevojën e një timonieri, pa nevojën e marinarëve perfektë. Bufon e pak të tjerë, mbetur nga Botërori gjerman, bënë ç’mundën, por nuk mjaftoi, sepse e vërteta është e thjeshtë: Italia e ka shkatërruar futbollin e vet dhe brezat e rinj janë mediokër.

E ardhmja është e zymtë dhe duhet revolucion total, a mund ta bëjë Italia? A mund të rindërtohet federata nga zero, me president të ri, me ndryshim rregullash në çdo aspekt, si bëri Gjermania pas dështimit në vitet 1998 e 2000? E vështirë, italianët nga natyra nuk janë revolucionarë, por skuadra do të ribëhet, nga halli, duke parë moshën e disa lojtarëve.

Bufon e mbylli, Barzali po ashtu, De Rosi e Kielini praktikisht janë tërhequr dje. Katër senatorë, fenomenë, me mbyllje tepër të trishtuar.

Vjen pastaj një brez 30-vjeçarësh që zor se e kapin Botërorin 2022: Bonuçi, Parolo, Kandreva, Parolo, Eder, Astori, D’Ambrozio. Gjithsesi, pak prej tyre vlejnë.

E ardhmja nis nga Donaruma, Kaldara, Rugani e Romanjoli, mbrojtje premtuese. Në mesfushë e lart nuk ka cilësi, hiq Verratin, por mesfushori tek Italia nuk ka treguar ende asgjë.

Trajneri i ri ka mision tepër të vështirë, por nëse në Itali e kuptojnë se ka ardhur koha për revolucion, Italia ngrihet për dy vite. Kampionat me 18 skuadra, më shumë të ardhura për klubet, federim i detyruar të rinjsh italianë, stim për klubet që aktivizojnë të rinjtë, riorganizim të kombëtareve të moshave, dhe trajnerë niveli, jo të tipit Ventura.

SHPËRNDAJE

PËRGJIGJU

Please enter your comment!
Please enter your name here


CAPTCHA Image
Reload Image