Humori i Ramosit me djersën, Firmino i kthen një përgjigje të fortë

0

Ditët e fundit është folur shumë për dëmtimin e pësuar në finalen e Champions League nga portieri u Liverpulit Loris Karius, i cili u përplas me Sergio Ramos dhe pas kontrolleve mjekësore në Amerikë ka rezultuar se tronditja e pësuar në tru mund të ketë qenë e tillë që ka ndikuar në rendimentin e portierit.

Pas deklaratave të mjekëve amerikanë, erdhi reagimi ironik i Ramosit: “Në fillim thanë që dëmtova Salah, tani flasin për Karius. Tani pres që të thonë që një pikë djersë e imja ftohu Firminon”.

Sulmuesi brazilian nuk reagoi, por sot u shfaq para gazetarëve në konferencën e zakonshme për shtyp nga vendgrumbullimi i kombëtares braziliane.

Natyrisht, Firmino u ngacmua për deklaratën e Ramosit dhe tentoi të shmangte argumentin, por më pas lëshoi një batutë të hidhur: “Preferoj të mos komentoj. Besoj se Ramos ka të drejtë, sepse doli kampion dhe fituesi ka të drejtë. Për mendimin tim, ai tha diçka idiote, por nuk ka problem”.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.