Gjermania U-21 ka luajtur sot ndeshjen e parë në Kampionatit Europian të kategorisë, që po zhvillohet në Poloni.
Në ndeshjen hapëse gjermanët e vegjël kanë fituar bindshëm 2-0 kundër Republikës Çeke.
Është fitorja e 11-të rresht për Gjermaninë U-21, që mbylli gjithçka në fund të pjesës së parë dhe në fillimin e së dytës.
Në minutën e 44-t Maks Majer i Shalkes zhbllokoi sfidën, ndërsa në minutën e 50-të talenti i sapoblerë nga Bajerni i Mynihut, Serzh Nabri, mbylli llogaritë.
Dominimi gjerman vazhdoi, por sulmuesi kryesor Selke humbi një 11-metërsh, që gjithsesi nuk ndryshoi shumë gjëra.