Leonardo Bonuçi duket gjithnjë e më larg Milanit, pasi zërat për një transferim te PSG po shtohen dita-ditës.
Qendërmbrojtësi i kombëtares italiane la Juventusin për Milanin veren e shkuar, për 42 milionë euro, por asgjë nuk shkoi sipas pritshmërive.
Milani nuk e kapi dot zonën Champions, borxhet janë akumuluar dhe tashmë UEFA e ka përjashtuar klubin kuqezi nga Europa League.
Kriza financiare është e qartë dhe të gjithë shpresojnë që Jonghong Li ta shesë klubin, por ende nuk ka zhvillime.
Ndërkaq, Bonuçi sheh përreth dhe sipas së përditshmes franceze Le Parisien i ka dhënë përgjigje pozitive PSG-së për një transferim në Francë. Rol vendimtar ka pasur Xhixhi Bufon, i cili e ka bindur për të tentuar së bashku triumfin në Champions League, që nuk e arritën dot kurrë në Itali.