Ish-kapiteni i Anglisë, Dejvid Bekam, beson se Tre Luanët do të përballen me Argjentinën në finalen e Kupës së Botës në Rusi.
Skuadra e drejtuar nga Sauthgejt fitoi në shtesë ndaj Tunizisë në ndeshjen e parë në grupin G, ndërsa Argjentina u ndal te barazimi nga Islanda, me Leo Mesin që humbi një penallti.
Dy kombëtaret ëndërrojnë suksesin që u mungon prej shumë vitesh dhe Bekami është i bindur se në finale do të jenë pikërisht këto të dyja.
The #ThreeLions will be back on the training field shortly, as we begin our build-up for Sunday’s game again Panama. @dele_official is the only absentee from the session, as he continues his recovery from a slight thigh strain. pic.twitter.com/Xmskkq1I2t
— England (@England) June 21, 2018
“Besoj se Argjentina do të luajë kundër Anglisë në finale”, tha Bekam gjatë një eventi në Kinë.
“Natyrisht, zgjedhja ime është që Anglia fiton Botërorin, por kjo ndodh sepse jam anglez dhe nuk jam neutral”.
Bekam ka dy kujtime nga përballjet me Argjentinën në Botëror, sepse në Francë 1998 Diego Simeone doli me karton të kuq për një shkelm të dhënë mesfushorit anglez, ndërsa në vitin 2002 Bekam shënoi penalltinë që vlejti fitoren ndaj Argjentinës në grupe.
VIDEO: David Beckham has tipped England to play Argentina in the #WorldCup final, reflecting rising optimism about the Three Lions' chances after a positive start in Russia pic.twitter.com/Fuhd84awsU
— AFP news agency (@AFP) June 21, 2018
“Jam shumë i lumtur që e nisëm me fitore. Anglia është skuadër shumë e re, nuk ka shumë eksperiencë dhe rrugëtimi do të bëhet më i ashpër nga ndeshja në ndeshje”, shtoi Bekam.
Anglia do të ndeshet me Panamanë të dielën, ndërsa Argjentina luan një ndeshje delikate ndaj Kroacisë sot.