Vllaznia bën goditjen e madhe. Nuredin Orelesi ka firmosur sot në Shkodër dhe është prezantuar nga drejtuesit shkodranë si prurja më e fundit. Pas aventurës tek Skënderbeu, ku në fakt rikthimi sezonin e shkuar nuk ishte perfekt, mesfushori do të jetë kuqeblu për sezonin e ardhshëm. Një lëvizje e papritur kjo nga ana e shkodranëve, të cilët dhe në të shkuarën kanë shfaqur interes për nigerianin.
Është përforcimi i parë i huaj për këtë sezon te Vllaznia, që deri tani kishte vetëm shkodranë në skuadër, duke kthyer edhe Gilman Likën e Edon Hasanin, emra me shumë peshë.
“NUREDIN ORELESI VISHET KUQEBLU
Pak minuta më parë drejtuesit e KF Vllaznia kanë arritur marrëveshjen dhe më pas kanë firmosur kontratën me futbollistin Nuredin Orelesi. Vlerat e këtij futbollisti njihen nga të gjithë sportdashesit dhe natyrisht qe ai do të jetë nje vlerë e shtur për skuadrën tonëm Kontrata me këtë lojtar është një-vjeçare me të drejtë rinovimi edhe për vitin e dytë. Ai do të jetë një element me shumë vlerë për skuadrën tonë në rolin e qendërmbrojtësit por edhe ate të mesfushorit. Mireserdhe në gjirin tonë, Nuredin Orelesi”, përfundon njoftimi i Vllaznisë.