Presidenti Armand Duka, ndoshta edhe për të mos u zgjatur shumë me gazetarët, deklaroi dje se edhe Tramexani mund të ishte një opsion për të pasuar Xhani De Biazin, kur u pyet për këtë çështje.
Megjithatë, duket qartë që ka qenë një deklaratë sa për të kaluar radhën, sepse Tramexani prej kohësh i ka dhënë fjalën Sionit dhe sot 46-vjeçari ka firmosur zyrtarisht.
Sezonin e fundit Tramexani bëri një mrekulli te Lugano, duke e marrë në janar në fundin e tabelës dhe duke e mbyllur në vendin e tretë në Superligë.
Tramexani merr me vete në Sion gjithë stafin që kishte në Lugano, por pritet të marrë edhe ndonjë lojtar prej aty, edhe pse ka pak shanse të marrë Sadikun e Alioskin, tepër të shtrenjtë.