Vasil Shkurtaj prek Superioren, pas shumë vitesh duke u endur nëpër Europë.
Nga Greqia, në Portugali, Holandë e së fundi Qipro, Shkurtaj tashmë firmos dhe prezantohet si përforcimi i ri i Luftëtarit, që bën një goditje të madhe.
Shkurtaj, tashmë 25 vjeç, ka qenë pjesë e kombëtares U-21 dhe ka ka qenë edhe në fokusin e kombëtares A, por nuk ka pasur shumë fat në karrierë dhe sezonin e shkuar pati edhe një dëmtim, por është kthyer në formë optimale.
E kërkonin edhe Vllaznia e Kukësi, por vlonjati ka preferuar qetësinë e Gjirokastrës, ku mund të bëhet pikë referimi në sulmin bluzi.
