Ka ndodhur ajo që pritej dhe ishte paralajmëruar më kohë: Milani është përjashtuar nga kupat e Europës.
Klubi kuqezi nuk do të marrë pjesë në Europa League për sezonin e ardhshëm, duke ia liruar vendin Fiorentinës.
UEFA ka dhënë sot vendimin zyrtar, që është bazuar te shkelja e rregullores së Fair-play financiar, me klubin legjendar që nuk ka arritur të dalë me bilanc zero.
Milani tani do të shkojë në CAS, duke u bazuar te fakti që klubi ka pasur pronarë të tjerë deri vjet.
Ndërkohë, vijojnë bisedimet për afrimin e ndonjë ortaku të ri, për të forcuar financat e klubit.