Rei Manaj ka shkëlqyer në fazën përgatitore me Barcelonën duke arritur që të shënojë 4 gola. Por a do të mbetet sulmuesi shqiptar si pjesë e ekipit të parë? Shanset janë duke u rritur nga dita në ditë.
Me Agueron që nis me historinë e vjetër të dëmtimit pa debutuar ende, Koeman ka kërkuar nga drejtuesit një sulmues tjetër. Sipas gazetarit të “Diario Sport” është refuzuar kërkesa e trajnerit nga katalanasit.
Nëse Koeman dëshiron përmbushjen e kërkesës, do të vijë vetëm në rastin se Braithwate do të shitet për një çmim të mirë. Kjo mund t’i hap rrugën Rei Manajt për të pasur hapësirën e tij te Barcelona e Koeman. /Sport Ekspres/