Usman Dembele i ka kushtuar gjithsej 148 milionë euro Barcelonës (me gjithë bonuse, të cilat praktikisht pritet të përmbushen). Francezi është lojtari i tretë më i shtrenjtë në histori të futbollit. Ndërkohë, siç zbulon gazeta prestigjioze gjermane “Spiegel”, arsye për t’u gëzuar ka plot edhe lojtari dhe jo vetëm tifozët e Barcelonës apo Dortmundi me milionat e fituar, sepse rroga e tij vjetore te Barcelona shkon deri në 20 milionë euro. Dembele 12 mln euro në vit i ka të garantuara si rrogë bazë, kurse 8 të tjera mund t’i fitojë në bazë të paraqitjeve.