Humbja e fundit e Kamzës me Kastriotin i ka lëkundur edhe më shumë pozitat e skuadrës periferike të kryeqytetit. Të renditur në vendin e parafundit në tabelën e klasifikimit, janë skuadra e dytë më e rrezikuar për të lënë Superioren.
Drejtuesit besojnë se mund të shpëtojnë dhe për këtë kanë zgjedhur të emërojnë si trajneri Ernest Gjokën. Ky i fundit ka nisur nga puna dhe gjatë këtyre ditëve e ka vënë theksin te përgatitja e skuadrës në aspektin fizik.
Vetë klubi ka postuar një video gjatë një prej sprinteve të aplikuara gjatë seancës së fundit stërvitore. I gjithë fokusi është te ndeshja e radhës me Kukësin, por edhe te ndeshjet e tjera.
Deri në fund për Kamzën do të ketë vetëm “beteja” dhe Gjoka duhet të ketë në dispozicion një ekip në formë të mirë dhe që të vrapojë shumë. Kampionati është i ashpër dhe për të realizuar objektivin do të jetë një sfidë mjaft e vështirë për Kamzën.
https://www.facebook.com/KamzaOfficalPage/videos/612736295808655/