Granit Xhaka është pranë largimit nga Arsenali pas 7 viteve. Mediat kanë raportuar për arritjen e marrëveshjes personale me Bajerin e Leverkusenit, me të cilin thuhet se do të firmosë për 4 vite. Arteta është pyetur në lidhje me të ardhmen e Xhakës, për të cilin shprehet se është një figurë që gëzon një respekt të jashtëzakonshëm në klub dhe se e ardhmja e tij do të diskutohet.
“Ai është një figurë jashtëzakonisht e respektuar në klub. Ai ka një histori të madhe rreth tij. Çfarëdo që të ndodhë, është diçka që do ta diskutojmë”, ka thënë Mikel Arteta./Halit Delibashi-Sport Ekspres/