Më në fund, nuk ka më pritje… Leonardo Bonuçi duhet të përballet me gazetarët dhe sidomos me tifozët, në një konferencë që u shty deri sa skuadra e Juventusit të kthehej në Torino dhe efekti “Ronaldo” të mbaronte në këtë prag kampionati.
Tani është radha e mbrojtësit, që iku nga Milani me dëshirën e tij dhe që u rikthye në Torino pas vetëm 1 viti si kuqezi, ku mori shiritin, një kontratë miliardere dhe sidomos rolin e liderit.
Deri tani, mbrojtësi vetëm është stërvitur në Kontinasa, teksa ka dhënë dy deklarata “soft” për mediat, pra të tipit “më vjen mirë që u ktheva në shtëpi”, por ka ardhur momenti i së vërtetës, i bombardimit nga pyetjet dhe sidomos i qëndrimit të Bonuçit.